सूचना विभाग 
सूचना विभाग
राष्ट्रिय जनसमृद्धि पार्टी नेपालले देशव्यापी रूपमा आफ्नो संरचना, पहुँच र जनसहभागिता विस्तार गर्ने उद्देश्यसहित संगठन विस्तार तथा सुदृढीकरण अभियान सुरु गरेको छ। राष्ट्र, जनता र समृद्धिको साझा यात्रालाई थप प्रभावशाली बनाउने लक्ष्यसहित सञ्चालन गरिएको यो अभियानले पार्टीका सबै तह–केन्द्रदेखि वडा स्तरसम्म संगठनलाई सुदृढ, व्यवस्थित र सक्रिय बनाउनेछ।
आजको राजनीतिक परिवेशमा जनताबीच प्रत्यक्ष रुपमा पुगेर उनीहरूको आवाज सुन्नु, आवश्यकता बुझ्नु, र समाधानका कार्यक्रम जनस्तरमा प्रस्तुत गर्नु पार्टीको मूल लक्ष्य हो। यही उद्देश्यले, पार्टीले प्रत्येक स्थानीय तहमा सदस्यता अभियान, संगठन पुनर्गठन, नयाँ नेतृत्व पहिचान, युवा सहभागिता विस्तार, तथा जनसम्पर्क कार्यक्रमलाई प्राथमिकतामा राखेको छ। अभियानमार्फत पार्टीका नीति, दृष्टिकोण, राष्ट्रिय विकासका प्रस्ताव, भ्रष्टाचारविरुद्धको प्रतिवद्धता, र समृद्ध नेपाल निर्माणका योजनाहरू आम नागरिकसम्म सरल र स्पष्ट रूपमा पुर्याइनेछ।
यस अभियान अन्तर्गत प्रदेश, जिल्ला, पालिका तथा वडा तहका संरचनालाई आवश्यक परामर्श, तालिम र मार्गदर्शन दिइनेछ। साथै, प्रत्येक क्षेत्रमा स्थानीय आवश्यकता अनुसार कार्यक्रम सञ्चालन गरी संगठनलाई थप जीवन्त र जनमुखी बनाइनेछ।
पार्टीको दिगो भविष्य, जनविश्वास र राष्ट्रिय परिवर्तनका यात्रामा सबै वर्ग, क्षेत्र र पेशाका नागरिकलाई सहभागी गराउनु यस अभियानको प्रमुख उद्देश्य हो।
राष्ट्रिय जनसमृद्धि पार्टी नेपाल सबै देशभक्त नागरिक, युवापुस्ता, महिलाहरू, मजदुर, किसान, पेशागत तथा सामाजिक क्षेत्रमा सक्रिय व्यक्तिहरूलाई ‘समृद्ध राष्ट्र निर्माण’ अभियानमा सहभागी हुन हार्दिक आह्वान गर्दछ।
सूचना विभाग 